Projekti ‘Promovimi i Punësimit në Sektorin Privat’ nxit inovacionin, konsolidimin dhe qëndrueshmërinë në sektorët e Ushqimit dhe Përbërësve Natyralë si dhe Turizmit, duke theksuar rimëkëmbjen e sektorit privat, krijimin e vendeve të punës dhe përfshirjen e të rinjve, grave dhe pakicave.
Në sektorin e Ushqimit dhe Përbërësve Natyralë, ai mbështet zgjerimin e shërbimeve për zhvillimin e produkteve, zgjeron modelin e bujqësisë me kontratë dhe përmirëson marketingun, digjitalizimin dhe e-commerce për ndërmarrjet e vogla dhe të mesme.
Në sektorin e turizmit, projekti ‘Promovimi i Punësimit në Sektorin Privat’ mbështet forcimin e menaxhimit të destinacioneve dhe ofertës turistike përmes partneriteteve publiko-private, duke u fokusuar në tregjet lokale, rajonale dhe të diasporës.
‘Promovimi i Punësimit në Sektorin Privat’ bashkëpunon dhe krijon sinergji me sektorin e biznesit, organizatat e biznesit, institucionet publike në nivel qendror dhe lokal, si dhe me projekte tjera dhe agjenci donatore.
